ამბობენ, დადებითი ემოციები გადამდებიაო და თეკლამაც გადაწყვიტა, ამ არასასიამოვნო სიახლეზე ლაპარაკის ნაცვლად, ჩვენთვის საახალწლო განწყობა გაეზიარებინა. ბევრს სჯერა, რომ ახალი წლის ჯადოსნურ ღამეს სასწაულები ხდებაო, ამ აზრს გიორგი მარშანიას
- რომელია თქვენი საყვარელი საახალწლო ფილმი?
- ბევრია ასეთი, განსაკუთრებით მომწონს ""holiday"", ყოველთვის საახალწლო განწყობაზე მაყენებს.
- რა განსხვავებული საახალწლო ტრადიცია აქვს თქვენს ოჯახს?
- განსხვავებული ტრადიცია არ გვაქვს, მაგრამ ჩვენ სხვადასხვა ქალაქებში ვცხოვრობთ და ამ დღეს ყველანი ერთად ვიკრიბებით, ამიტომ ყოველთვის ძალიან გვიხარია ახალი წლის მოახლოვება.
- რა მოგწონთ ყველაზე მეტად ახალი წლის?
- მომწონს, რომ რაღაც ახალი იწყება, ყველა იღიმის და ცდილობს, კარგ ხასიათზე იყვნენ, განათებულია ქუჩები და ა.შ.
გულწრფელად, რომ გითხრათ, შობა უფრო მიყვარს, ვიდრე ახალი წელი. შობას უფრო ავღნიშნავთ ხოლმე, თუმცა ორივე ერთ პერიოდშია. იანვარი ჩემი საყვარელი თვეა, ამ თვეშია ჩემი დაბადების დღეც.
- შეგიძლიათ გაიხსენოთ საუკეთესო საახალწლო საჩუქარი?
- შარშან, სამოგზაუროდ წავედი ჩემთვის ყველაზე საყვარელ ადამიანთან ერთად და ეს იყო ჩემთვის ყველაზე ძვირფასი საჩუქარი.
- ვის ჩუქნით ხოლმე საახალწლო საჩუქრებს?
- მე თვითონ ვაკეთებ საახალწლო აქსესუარებს და რამდენადაც შესაძლებელია, ყველა ჩემთვის მნიშვნელოვან ადამიანს ვჩუქნი.
- ჩურჩხელა უფრო გიყვართ თუ გოზინაყი?
- ჩურჩხელა ჩემთვის არის ყველაფერი!
- სადად გაწყობილი ნაძვი უფრო მოგწონთ თუ ძვირფას საახალწლო მორთულობას ანიჭებ უპირატესობას?
- ზედმეტი არაფერი არ მიყვარს, შესაბამისად ზომიერების ფარგლებში.
- წარმოიდგინეთ, რომ შეგილიათ მიწეროთ წერილი თოვლის ბაბუას, რას მიწერდით?
- მივწერდი, რომ თუ ოცნებების ასრულება შეუძლია, ისეთ ქვეყანაში მაცხოვროს სადაც მშვიდობაა და საიდანაც ხალხი გამუდმებით სხვა ქვეყნებში არ მიემგზავრება.
- როგორ გარემოში გირჩევნიათ შეხვდეთ ახალ წელს?
- რა თქმა უმდა, მირჩევნია ყველა ჩემი ოჯახის წევრი საქართველოში იყოს და ერთად შევხვდეთ ამ დღეს.
- გჯერათ, რომ ახალი წლის ღამეს სასწაულები ხდება?
- კი, მჯერა(იღიმის).
მარიამ კაკაურიძე
