ალბათ, ბიძინა ივანიშვილი რომ პოლიტიკაში არ
ბოლო დროს გვანცა ფიზიკურად ძალიან შეიცვალა, ამბობს, რომ ეს სულაც არ არის პლასტიკური ოპერაციების დამსახურება, მაგრამ გოგონა იმდენად დაემსგავსა თოჯინა ბარბის, რომ მისი ძველი და ახალი იმიჯის შედარებისას განსხვავება აშკარად თვალში საცემია. ხშირად წერენ, რომ აწყობილია და უამრავ პლასტიკურ ოპერაციას იკეთებს, მაგრამ ქართველი ბარბი ჯიუტად უარყოფს და სოციალურ ქსელში კეთილის მსურველებს ახალ-ახალი იმიჯით ანებივრებს.
სოფო ნიჟარაძესაც არასდროს დაუდასტურებია, რომ თუნდაც ერთი პლასტიკური ოპერაცია აქვს გაკეთე-ბული. წარბების უჩვეულო ფორმის გარდა, სოფოს გარეგნობაში აშკარად ბევრი ცვლილებაა, მაგრამ ეს პლასტიკური ოპერაციების დამსახურებაა თუ უბრალოდ ახალი და კარგი სასცენო იმიჯი, დღემდე გამოცანად რჩება. ფაქტია, რომ წლების გასვლის შემდეგ ნიჟარაძე გარეგნულად უფრო დაიხვეწა, ვიდრე რუსეთში ჯულიეტას თამაშის დროს.
შორენა ბეგაშვილი ამ შემთხვევაშიც პირველია, რადგან ყველაზე ხშირად მას უწევს თავის მართლება, რომ მკერდი და უკანალი არ გაუზრდია და არც ცხვირის ოპერაცია გაუკეთებია. მართალია, მსახიობი და ტელესახე ამ ფაქტს უარყოფს, მაგრამ ძველსა და ახალ ფოტოებს თუ შევადარებთ, შორენას მკერდის ზომებში აშკარა სხვაობაა. რაც შეეხება ცხვირს, ფაქტია, რომ უხდება და ნამდვილად კარგად აქვს გაკეთებული, რადგან ბევრი მიიჩნევს, რომ შორენას პასპორტის ფოტოზე, რომელსაც სერიოზული სკანდალი მოჰყვა, სხვანაირი ცხვირი აქვს.
მაკა ასათიანის სილამაზეს ყველა აღიარებს, მაგრამ მასზეც ხშირად უთქვამთ, რომ ცხვირისა და თვალის ჭრილის ოპერაცია აქვს გაკეთებული, თუმცა მაკას ახალგაზრდობის ფოტოებს თუ გადახედავთ, პოპულარუ-ლი სახე იქაც ულამაზესია. ინტერვიუებში ხშირად უთქვამს, რომ ბოტოქსს ადრეული ასაკიდან იკეთებს, მაგრამ პლასტიკურ ოპერაციებზე კომენტარი არასდროს გაუკეთებია. რთულია, მაკას კარგი გარეგნობა მხოლოდ პლასტიკურ ოპერაციებს დააბრალო, თუმცა ძველსა და ახალ ფოტოებზე გარეგნულ სხვაობას მაინც შეამჩნევთ.
ნინი ბადურაშვილს აშკარად გაუმართლა, რადგან გარეგნული მონაცემების წყალობით, სახეზე არაფრის შეცვლა არ დასჭირდება, მაგრამ, როგორც ამბობენ, მომღერალმა მკერდი გაიზარდა და ეს ნინის ბოლო დროს გადაღებულ ფოტოებზე აშკარად ჩანს. თავად კი ამის შესახებ არასდროს ულაპარაკია.
მკერდის გაზრდა, რინოპლასტიკა – ქეთა თოფურიას რუსეთში მოღვაწეობას ეს ოპერაციები დღემდე მოჰყვება, რადგან საქართველოდან წასული ახალგაზრდა მომღერლის მოულოდნელი ცვლილება როგორც ქართული, ასევე რუსული პრესისთვის შეუმჩნეველი არ დარჩა. მკერდის გაზრდა მომღერალმა არც ერთ ინტერვიუში არ აღიარა და მოულოდნელი ცვლილება გარდატეხის ასაკს დააბრალა. რაც შეეხება ცხვირს, აღნიშნა, რომ ცხვირი ძგიდის გასასწორებლად გაიკეთა. ფაქტია, რომ ქეთა შესანიშნავად გამოიყურება და ეს ცვლილებები, როგორიც უნდა იყოს ისინი სინამდვილეში, მას ძალიან მოუხდა.
ია ფარულავა თითქმის ყველა ინტერვიუში აღნიშნავს, რომ სახეზე მხოლოდ ბოტოქსს იყენებს, პლასტიკური ოპერაციები კი არ აქვს გაკეთებული. იმასაც ამბობდნენ, რომ იამ რინოპლასტიკას მიმართა, მაგრამ მსახიობის ახალგაზრდობის ფოტოებს დღევანდელ იმიჯს თუ შევადარებთ, დაახლოებით მსგავსი ცხვირი აქვს. თუმცა ის, რომ ბევრი ბოტოქსის გამო შუბლს ვერ ამოძრავებს და შესაბამისად, სახის ამ ნაწილზე ნაოჭები არ აქვს, ხშირად უღიარებია.
თაკო გაჩეჩილაძესაც არ უყვარს იმაზე საუბარი, რომ პლასტიკური ექიმები მის გარეგნობაშიც ჩაერივნენ, მაგრამ ძველსა და ახალ ფოტოებზე მისი ტუჩების ზომაში ისეთი განსხვავება ჩანდა, ბოლოს აღიარა, რომ ამაში პლასტიკური ოპერაცია დაეხმარა, თუმცა მოგვიანებით აღნიშნა, რომ არ მოეწონა და ძველი ტუჩები დაიბრუნა. მიუხედავად ამისა, თაკოს ძველსა და ახალ გარეგნობას შორის, ფოტოების მიხედვით თუ ვიმსჯელებთ, საკმაოდ დიდი სხვაობაა. გარდა ტუჩისა, მას ცხვირის ოპერაციაც გაკეთებული აქვს.
ქეთი მელაძე
ჟურნალი ''რეიტინგი''